Sign up with Email

Already have an account? Login


BIOMASA.

Energia iturri berriztagarri bat da. Animalia eta landareen materia organikotik abiatuta lortzen da energia.

Image

Biomasa naturala

Naturan berez azaltzen dena da, gizakiaren parte-hartzerik gabe. Adibidez, zuhaitzetako hostoen erorketa, zuhaitzetako adarrak.

Hondar-biomasa

Nekazaritza ekintzetan sortzen diren hondakinetatik: animaliak, kimaketa edo egurraren tratamendu prozesuak (papera egitea, zerratokiak…).

Kultibo energetikoa

Bioerregaien ekoizpenera zuzendutakoak.

NOLA SORTZEN DA?

Biomasak eguzkiaren energia xurgatzen du fotosintesiaren bidez, eta erretzean, energia kimiko hori berotasun modura kanporatzen du.

USTIAKETA

Prozesu kimikoak

Landare-olioen, animalien gantzaren eta metanolaren nahasketarekin biodiesela lortzeko erabiltzen dira gehienbat. Glizerina ere sor daiteke horrela.

Digestio anaerobikoa

Bakterio anaerobikoen hartziduraren bidez, biogasa sor daiteke, metano kantitate altuari esker. Zabortegietan modu naturalean sortzen da, hiri-hondakin solidoetatik abiatuta. Modu kontrolatuan ere egin daiteke, edukiontzi handietan materia organiko askoko hondakinak erabiliz, adibidez, simaurra.

Hartzidura alkoholikoa

Mikroorganismoak azukre hartzigarriak dituzten produktuekin (artoa, garagarra, azukre-kanabera…) nahastean lortzen da. Bioetanola sortzen da horrela.

Gasifikazioa

Mikroorganismoen eta bakterioen hartziduraren bidez, erregai gaseoso bihurtzen da, elektrizitatea eta beroa lortzeko.

Pirolisia

Biomasaren deskonposizio termala.

EKOIZLE NAGUSIAK

Europa da Biomasa energia iturri gisa gehien erabiltzen duen kontinentea. Munduko 10 planta handienen artean, zazpi Finlandiakoak dira. Handiena, ordea, Ingalaterran dago. Polonia eta Estatu Batuetan daude beste biak.

Euskadin biomasa da gehien erabiltzen den energia-iturri berriztagarria.

Ekoizpena Tolosaldean.

2,5 Kg egur = 1l. gasoil

Erabilera

Elektrizitatea eta beroa sortzeko erabiltzen da gehienbat.

Txondorretan, egur-ikatza egiteko

Aire beroa

Ur beroa

Biogasa

Bioerregaiak (biodiesela, bioetanola…)

Bazenekien 550 gigatona karbono daudela lur planetako biomasan?

Biomasa horren guztiaren %82 landareei dagokie; animaliak %5a dira, eta horien barruan sartzen dira gizakiak, biomasa kopuru osoaren %0,01.

KONTSUMOAREN
BILAKAERA

Euskadiko azaleraren osotik ehuneko hau da baso-sektorea. Guztira, 400.000 hektarea baso.

%55

Tolosaldean Erabiltzen den energia totalaren %0,3a bakarrik dator Biomasatik.

ABANTAILAK

  • Bioetanolak ez du sufredun hondakinik sortzen, ezta nitrogenodun konposaturik ere.
  • Erregai fosilak baino ugariagoa da. Gainera, ez dago lurra zulatu beharrik, gainazalean baitago.

DESABANTAILAK

  • Zuhaitz mozketa egur gehiago lortzeko.
  • Erretzean sustantzia toxikoen sorrera. 900ºtik behera errez edo filtro berezi batzuk erabiliz ekidin daiteke hori.
  • Lursail batzuk egurraren ustiapenerako erabiltzen dira, elikadurak sortzeko erabili beharrean, eta elikadura-desorekak sortzen dira.

Tolosaldean, energia iturri berriztagarrien artean erabilienetakoa da biomasa. Badakizu zeintzuk diren beste energia iturriak?